No icon

Ўзбекистонда енгил зирҳли автомобиль ишлаб чиқарилмоқда

Ўзбекистонда «TARLON» (4х4) русумли енгил зирҳли автомобилнинг (ЕЗА) тажриба намунаси ишлаб чиқарилмоқда. Мудофаа саноати давлат қўмитасининг маълум қилишича, автомобиль «KRAN VA MAXSUS TEXNIKALAR» МЧЖ билан ҳамкорликда ишлаб чиқарилади.

Фото: Мудофаа саноати давлат қўмитаси 

Ўқлар ва портлашлардан ҳимоя этувчи ЕЗА шахсий таркибни ташиш, уларни жанг майдонида ўқ-дори ва портловчи моддалардан ҳимоя қилиш, хавфли ҳудудларда махсус вазифаларни бажариш, мобил гуруҳлар ва блокпостларга оловли мадад бериш, қўшинларни ва автотранспорт колонналарини ҳимоя қилиш, жанговар патруллик ва бошқа жанговар вазифаларни бажариш учун мўлжалланган.

Фото: Мудофаа саноати давлат қўмитаси

Таъкидланишича, ўзининг техник ва жанговар хусусиятларига кўра «TARLON», етакчи хорижий давлатларнинг шу туркумдаги енгил зирҳли автомобиларидан асло қолишмайди.

Фикрлар

Яндекс.Метрика