-->
bg-login img-registrАъзо бўлиш

Энди тиллани ҳам банкдан сотиб олишингиз мумкин

Сана: 07 Октябрь 2017 Курилди: 679 Изоҳ: 0

Вазирлар Маҳкамасининг 30 сентябрдаги қарори билан заргарлик буюмлари ишлаб чиқариш учун қимматбаҳо металларни реализация қилиш ва ҳисоб-китобларни амалга ошириш тартиби тўғрисидаги низом тасдиқланди.

 
Унга кўра, қимматбаҳо металларни реализация қилиш тартиби белгиланди.
Қимматбаҳо металларни (олтин, кумуш) сотиб олиш учун заргарлик буюмлари ишлаб чиқарувчилари банкларга буюртманомаларни топширади. Буюртманомада уларнинг зарур ҳажми кўрсатилиши керак (камида 100 гр).
Банк “Лицензия” (www.license.uz) ахборот тизими орқали аризачининг заргарлик буюмларини ишлаб чиқариш учун лицензияси мавжудлигини текширади ва буюртманомани алоҳида рўйхатга олиш дафтарида рўйхатдан ўтказади.
Аризачи қимматбаҳо металларнинг буюртманомада қайд этилган миқдорини сотиб олиш учун зарур маблағларни банкда депонентга ўтказади.
Шундан кейин бош банклар (ҳар ойнинг биринчи ва/ёки учинчи сешанба кунлари соат 12:00 га қадар) Марказий банкка ва Қимматбаҳо металлар агентлигига шакллантирилган йиғма буюртманомаларни тақдим этади. Бунга жавобан МБ бош банкка ҳисобварақ-фактура тақдим этади, банк 2 иш куни ичида тўловни амалга ошириши керак.
Тўловни қабул қилгач, МБ тегишли вазндаги қимматбаҳо металлар пластиналарини бош банкка бериш ҳақида Агентликка топшириқ беради. Агентликдан пластиналар олинган санадан эътиборан 5 иш куни ичида улар заргарлик буюмлари ишлаб чиқарувчиларига берилади.
Марказий банк ва бош банклар, шунингдек банклар ва заргарлик буюмлари ишлаб чиқарувчилари ўртасида қимматбаҳо металларни реализация қилиш бўйича операциялар алоҳида шартномалар асосида амалга оширилади.
Пластина шаклидаги вазни 100 граммдан бошланадиган қимматбаҳо металлар тўлиқ олдиндан ҳақ тўлаш шарти билан миллий валютага сотилади. Соф оғирлигига қайта ҳисобланган олтин ва кумуш қиймати, шунингдек банкда депонентланадиган маблағлар суммаси ҳисоб-китоби Лондон қимматбаҳо металлар биржасининг эрталабки фиксинги ва банк томонидан МБга берилган буюртманома санасида амал қилган МБ курси асосида амалга оширилади.
Депонентланган маблағлар суммаси етарли бўлмаган буюртманомалар бекор қилинади. Шу боис, банк талабига кўра  пластиналарнинг аниқ вазнидан келиб чиқиб ҳисобланган, МБ томонидан тақдим этилган тўлов учун ҳисобварақ-фактура асосида ушбу сумма тўлдирилиши керак. Шунингдек, депонентланадиган маблағлар суммасига қуйидагилар киради:
банк маржаси — реализация қилинадиган қимматбаҳо металлар қийматининг 1%и миқдорида;
МБга тўланадиган комиссия ҳақи — реализация қилинган қимматбаҳо металлар қийматининг 1%и миқдорида.
Қимматбаҳо металлар кейинчалик қайта сотиш ҳуқуқисиз реализация қилинади. Фақат заргарлик буюмларини ишлаб чиқариш бўйича фаолият тўхтатилганда, Марказий банк ҳузуридаги Қимматбаҳо металлар агентлигини хабардор қилган ҳолда, уларни бошқа заргарлик буюмларини ишлаб чиқарувчига реализация қилиш мумкин.
Ҳужжат қонун ҳужжатлари маълумотлари миллий базасида расман эълон қилинган бўлиб, низом 1 октябрдан кучга кирган.
 
Калит сўзлар: ҳисобланган, ҳисобварақ фактура, ҳисобварақ, қимматбаҳо металларни реализация, қимматбаҳо металларни, қимматбаҳо металлар қийматининг, қимматбаҳо металлар, қимматбаҳо, қилиш, қилинган, қилинади, қилган, қийматининг, қайта, этилган, этади, шунингдек, чиқарувчилари, чиқариш, фактура

Мавзуга оид янгиликлар:

Экспорт қилинг ва 75 фоиз валютани хоҳлаганингизча иштлатинг!

Экспорт қилинг ва 75 фоиз валютани хоҳлаганингизча иштлатинг!

Хорижий валютани сотишга доир янги қарор қабул қилинди

Хорижий валютани сотишга доир янги қарор қабул қилинди

Қора металлар чиқиндиларини сотиб олиш фақат «Ўзметкомбинат» ваколатига киради!

Қора металлар чиқиндиларини сотиб олиш фақат «Ўзметкомбинат» ваколатига киради!

 УШБУ ХАБАРГА ЎЗ ФИКРИНГИЗНИ БИЛДИРИНГ.
ФИКР БИЛДИРИШ УЧУН РЕГИСТРАЦИЯДАН ЎТИШ КЕРАК!


   
ПнВтСрЧтПтСбВс
    123
45678910
11121314151617
18192021222324
25262728293031
Сўровнома

Loading...

Логин
Пароль
Сақлаш