Россияда 11 нафар Ўзбекистон фуқаросининг ўлимида айбланаётган аёл қамалди
Томск суди ёғочни қайта ишлаш “Грин Вуд” компанияси директори Сун Анни тўрт йил муддатга озодликдан маҳрум этди. Бу ҳақда Sputnik Ўзбекистон хабар бермоқда. У жазони манзил-колонияда ўтайди.
Суд аёлни ёнғин хавфсизлиги талабларини бузиш, бепарволик туфайли икки ёки ундан ортиқ одамнинг ўлимига ва хавфсизлик талабларига жавоб бермайдиган хизмат кўрсатишда айбдор деб топган.
2020 йил январида Россиянинг Томск вилоятида рўй берган ёнғин оқибатида 11 нафар Ўзбекистон фуқаролари ҳалок бўлган эди.
Манба: sof.uz
