Ўзбекистонда COVID-19 инфекцияси сабабли локдаун ҳолати такрорланиши мумкинми?
Санитария-эпидемиология хизмати ижтимоий тармоқлар орқали COVID-19 инфекцияси сабаб локдаун жорий этилиши тўғрисида келиб тушган саволга жавоб берди.
Қайд этилишича, мутахассислар «Ўзбекистонда локдаун ҳолати такрорланиши мумкинми?» саволига қуйидагича жавоб берган: «Вируслардан буткул халос бўлиш мумкин эмас. Лекин тахминий нуқтаи назардан башорат қилиб кўрсак, агарда 2022 йилнинг баҳорида касаллик кўрсаткичларида яна ўсиши кузатилмаса, у ҳолда мамлакатда локдаун ҳолати эълон қилинмайди. Шундагина Жаҳон соғлиқни сақлаш ташкилоти 2022 йилнинг охирида ёки 2023 йилнинг бошида COVID-19 пандемияси тугатилганини эълон қилиши мумкин».
Манба: sof.uz
