Криштиану Роналдуни фирибгар аёл чув туширди
“Манчестер Юнайтед” ҳужумчиси Криштиану Роналду алданиб юргани маълум бўлди.
Маълумотларга қараганда, 53 ёшли аёл туристик саёҳатлар уюштириш баҳонасида машҳур ҳужумчидан уч йил давомида жами 288 минг еврога яқин пул олган. Турагент бўлиб ишлайдиган фирибгар аёл Роналдудан амалга оширилмаган 200 та саёҳат учун ҳам пул ундирган.
Криштиану банк картаси маълумотлари ва шунга ўхшаш ҳужжатларни бу аёлга бергани унинг хатоси бўлиб чиқди. Маълум бўлишича, қўли эгри турагент Роналдудан ташқари Нани, Мануэль Фернандеш ва машҳур футбол агенти Жорде Мендешни ҳам алдаб юрган бўлиши мумкин.
Айни пайтда турагент қамоқда жазони ўтамоқда ва ўзи алдаган мижозлардан олган пулларини уларга қайтаришга ҳаракат қилмоқда.
Манба: sports.uz
