Лионель Месси аслида «Олтин тўп»ни олишга ҳақлимиди?
Европалик журналистлар Мессига «Олтин тўп» бермагани ошкор бўлди
«Олтин тўп» топшириш маросимида европалик журналистларнинг овоз бериш натижаларига кўра, Лионел Месси учинчи ўринни олган. Бу ҳақда Bild нашри хабар тарқатди.
Айтилишича, евромухбирлар овозига кўра, «Бавария» ҳужумчиси Роберт Левандовски 209 балл билан биринчи ўринни олган. Иккинчи ўринни 166 балл билан Жоржиньо («Челси») ва 161 очко билан Месси эгаллаган.
Эслатиб ўтамиз, Месси ўзининг еттинчи «Олтин тўп»ини қўлга киритиб, футбол тарихига кирганди. Бир қатор машҳур футболчилар ва мутахассислар Мессининг бу соврини ҳақида ўз фикрларини айтишган.
Манба: xabar.uz
