Бред Питт собиқ рафиқаси Анжелина Жолини судга берди
Актёр Бред Питт собиқ рафиқаси Анжелина Жолига қарши Франциядаги умумий кўчмас мулклари бўйича янги даъво қўзғади.
Хабар берилишича, актриса Бред Питтнинг кўчмас мулкдаги улушига эгалик қилишига халал бермоқда. Ҳудудида улкан узумзори ҳам бўлган кўчмас мулкнинг қиймати 164 миллион долларга тенг, жуфтлик 2008 йилда айнан мана шу ерда тўй маросимини ўтказган эди.
Питтнинг адвокатлари Жоли кўчмас мулкдаги улушини расмий нархга сотмоқчи экани, бу орқали Питтни кўчмас мулкка эгалик қилиш ва ундан даромад олиш имкониятидан маҳрум қилишини айтишмоқда.
Питтнинг тарафдорлари Жолини “қасоскор” деб аташмоқда.
Маълумот учун, жуфтлик 2016 йилда ажрашган эди.
Манба: xabardor.uz
