Қоронғи режим
Tuesday, 07 December 2021
Logo
Судья ёрдамчиси жиноят устида қўлга олинди

Судья ёрдамчиси жиноят устида қўлга олинди

Давлат хавфсизлик хизматининг Сирдарё вилояти бўйича бошқармаси ҳамда Сирдарё вилояти прокуратураси ходимлари — судья ёрдамчисини жиноят устида қўлга олишди.

Бу ҳақда Сирдарё вилояти телерадиокомпанияси томонидан эфирга узатилган "Воқеа жойидан..." кўрсатувида хабар берилди — дея ёзмоқда 'Xabar.uz'.

Хабарга кўра, Гулистон туманлараро маъмурий судининг судья ёрдамчиси Р.Н. фирибгарлик жиноятини қасддан содир этган. У фуқаро М.нинг 5 миллион 500 минг сўмлик жарима жазосини камайтириб беришни ваъда қилиб, ундан 2 миллион сўм миқдоридаги пулларни олган. Вақт ўтгач, фуқаро М. жарима жазосининг ўзгаришсиз қолганини билади ва судья ёрдамчисига нисбатан қонуний чора кўрилишини сўраб, ҳуқуқ тартибот идораларига мурожаат қилади.

Ушбу мурожаат асосида Давлат хавфсизлик хизматининг Сирдарё вилояти бўйича бошқармаси ҳамда Сирдарё вилояти прокуратураси ходимлари томонидан тезкор тадбир ташкил этилган.

Тадбир давомида судья ёрдамчиси Р.Н. фуқаро М.дан пора сифатида олган 2 миллион сўм миқдоридаги пулларни қайтариб бераётган вақтида ашёвий далиллар билан қўлга олинган.

"Мазкур ҳолат юзасидан ҳозирда тергов суриштирув ишлари олиб борилмоқда", — дейилади хабарда.

Изоҳ / Жавоб

Архив

Илтимос, санани танланг!

Алоқада бўлинг

Ахборот бюллетени

Янги янгиланишларни олиш учун бизнинг почта рўйхатимизга обуна бўлинг!