Суриядаги қуролли тўқнашувларда ҳалок бўлганлар сони очиқланди
Сурияда 2011 йилнинг мартидан 2021 йилнинг мартига қадар бўлган даврда (10 йил) қуролли тўқнашувлар оқибатида 350 мингдан ортиқ инсон ҳалок бўлган. Женевада бўлиб ўтган йиғилишда БМТнинг Инсон ҳуқуқлари бўйича олий комиссари Мишель Бачелет ушбу маълумотларни очиқлади.
Ҳалок бўлганларнинг 26 727 нафари — аёллар, 27 126 нафари — болалар.
Олий комиссар таъкидлашича, бу жуда изчиллик билан олиб борилган тадқиқотлардан сўнг олинган статистика, шунга қарамасдан, бу уруш-низоларда ҳалок бўлганларнинг тўлиқ рўйхати эмас.
Манба: xabar.uz
