Тўрақўрғонда уч эгизак туғилди. Уларнинг ҳаммаси қизалоқ
Наманган вилоятининг Тўрақўрғон туманида яшовчи Акмалжон Худойбердиев ва Мафтуна Қурбонова оиласида 3 январь куни бирйўла уч фарзанд дунёга келди. Бу ҳақда «Дарё» мухбири Азизбек Абдувалиев хабар бермоқда.
Уларнинг ҳаммаси қизалоқ. Оилада шу пайтгача бир қиз фарзанд тарбияланаётган эди. Энди улар 4 нафар бўлди. Туман тиббиёт бирлашмаси туғуруқхона бўлими шифокори Самияхон Исоқованинг айтишича, туманда охирги марта 2016 йилда шундай уч эгизак туғилган.
