Қоронғи режим
Logo
Хитойда бор йўғи 2 минг долларлик электромобил сотувга чиқди

Хитойда бор йўғи 2 минг долларлик электромобил сотувга чиқди

Хитойнинг Jiangsu Ruipaiying Import And Export Co. компанияси пикап кузовида яратилган ҳамёнбоп Changli CLZKC-009 электромобилини тақдим этди, деб хабар беради IXBT.

 

Ишлаб чиқарувчининг маълум қилишича, улар Америка автомобиль саноатидан илҳомланган бўлса-да, Changli CLZKC-009 нинг Хитой илдизларини яшириш анча мушкул. Ҳатто радиатор панжарасидаги Explorer ёзуви ҳам моделни Ford маҳсулоти билан адаштириш имконини бермайди. Автомобиль узунлиги 3500 миллиметрни ташкил этади, юк кўтариш қобилияти — 400 килограмм.

Машина салонида иккита ўриндиқ бўлишига қарамай, у ерда люк, орқани кўришга мўлжалланган камера ва электрон ойна кўтаргичлар бор. Қўшимча тўлов эвазига кондиционер ҳам ўрнатиш мумкин.Фото: IXBT

Автомобиль электродвигателининг қуввати 4 от кучини тақдим этади ва у соатига 65 километр тезликкача ҳаракатланиш имконини беради. Сиғими 4,8 киловатт/соатга тенг аккумулятор батареялари ёрдамида эса бир марта қувватланиш орқали 130 километр йўл босиш мумкин.

Мазкур автомобилни ҳозирда Хитойда 2 минг долларга харид қилиш мумкин.

Аввалроқ Хитойда Cobalt’дан икки баробар арзон электромобил сотувга чиққани, Xiaomi компанияси ўз автомобилини яратишни бошлагани тўғрисида хабар берилганди.

Теглар

Изоҳ / Жавоб

Архив

Илтимос, санани танланг!

Алоқада бўлинг

Ахборот бюллетени

Янги янгиланишларни олиш учун бизнинг почта рўйхатимизга обуна бўлинг!