Ўзбекистон уч ойдан бери олтин сотмаяпти. Бунга нима сабаб бўлмоқда?
Ўзбекистон уч ойдан бери олтин сотмайди. Бу ҳақда «Дарё»га Давлат статистика қўмитаси ҳисоботидан маълум бўлди.
Мамлакат қимматбаҳо металлни охирги марта март ойида экспорт қилган. Апрель, май ва июнь ойларида олтин сотилмади.
Бу қимматбаҳо металл бир неча йилдан буён Ўзбекистоннинг асосий экспорти бўлиб келмоқда. Марказий банк уни жаҳон нархларидан келиб чиқиб сотади.
Март ойида олтиннинг бир унцияси тахминан 1950 долларни ташкил этган бўлса, апрелда 1900 долларгача, майда 1850 долларгача, июнда эса 1685 долларга тушиб кетди. Бундай шароитда олтин сотиш мақсадга мувофиқ эмас.
Шунга қарамай, олтин, январдан майгача ҳисоблаганда мамлакатнинг асосий экспорти бўлиб қолмоқда — унинг умумий ҳажмидаги улуши 29,9 фоизни ташкил этади.
Шу фонда Ўзбекистон олтин-валюта захираларида олтин ҳажми ошди — агар март ойи охирида 339 тонна бўлган бўлса, июнь ойининг охирида 364 тоннани ташкил этди.
Аввалроқ жаҳонда олтин нархи тушгани ҳақида хабар берилган эди.
