Ёш олима Зебуниссо Аҳмедова халқаро танловда олтин медаль соҳиби бўлди
Зебинисо Аҳмадова Қозоғистоннинг Нурсултон шаҳрида МДҲ давлатлари ўртасида ўтказилган «Йилнинг энг яхши ёш олими - 2021» Халқаро танловининг ижтимоий гуманитар йўналишида энг иқтидорли ёш олима сифатида I ДАРАЖАЛИ ДИПЛОМ билан тақдирланди.
Ёш олима бугунги кунда Навоий номидаги давлат стипендияси совриндори, «Йилнинг энг яхши мутахассиси» йўналиши бўйича йил талабаси Республика босқичи ғолиби, Олий Мажлис Қонунчалик палатаси ҳузуридаги Ёшлар Парламенти аъзоси ҳамда фан-таълим масалалари қўмитаси матбуот котиби, ЎзМТДП Ёшлар Парламенти эвент менижери, Республика Ёш олимлар кенгаши аъзоси, Ўзбекистон Республикаси Президенти ҳузуридаги давлат Бошқарув академияси ўқув курси битирувчиси, ЎзМТДП Бухоро вилояти Кенгаши маънавий-маърифий ва мафкуравий ишлар бўйича бош мутахассиси, Бухоро давлат университети магистранти, Республика «Лидерлар» жамоаси аъзоси, Республика ОТМ учун иккита ўқув қўлланма иккита монография муаллифи, Республика ва халқаро миқёсдаги 150 дан ортиқ илмий-амалий, услубий конференциялар иштирокчиси ҳамда мақолалар муаллифи, Республика миқёсидаги 15 га яқин лойиҳа ва танловлар ташкилотчиси.
Шунингдек, бугунги кунда устози Шавкат Ҳайитов билан биргаликда Президентимизнинг 2017 йил 24 декабрдаги қарорлари ижроси юзасидан «Алишер Навоий- тарихнавис» мавзусида академик магистрлик диссертацияси устида илмий фаолият олиб бормоқда.
Манба: uza.uz
