Ота-онанинг болага бақириб тарбия бериши хавфлидир...
Ота-оналарнинг болага овозини баланд кўтариб гапириш одати бола руҳияти учун хавфлидир. Бу ҳақда болалар психологи Наталя Дербенева маълумот бермоқда.
Мутахассиснинг фикрича, болалар катталарнинг хатти-ҳаракатларига фаол тақлид қиладилар ва оиладан нафақат яхши, балки ёмон одатларни ҳам оладилар.
«Шунинг учун, агар бола сизга гап қайтара бошласа, бошқа ҳурматсизлик қилса, ўз хатти-ҳаракатларингизни таҳлил қилинг.
У оилада қабул қилинган хатти-ҳаракатлар нормасига риоя қилади. Ўз тажрибамдан шуни айтишим мумкинки, бундай болалар дарҳол кўзга ташланади: улар учун ҳам тенгдошлар, ҳам катталар билан мулоқот қилиш қийин; улар хотиржам нутққа муносабат билдирмайдилар, нотинч, асабий, хириллаган ва баъзида ҳатто тажовузкор бўлиб қоладилар, - деди Наталя Дербенева.
Психологнинг қўшимча қилишича, тарбияда баланд овоз ва қичқиришни мунтазам равишда қўллаш, болада ишончсизликни кучайтириб юбориши мумкин.
