Тошкент оғир атлетика бўйича Осиё чемпионатига мезбонлик қилади
Тошкент оғир атлетика бўйича ўсмирлар ва ёшлар ўртасида Осиё чемпионатига мезбонлик қилади, дея маълум қилмоқда Спортни ривожлантириш вазирлиги матбуот хизмати.
Мусобақа 2022 йилнинг 15—25 июль кунлари бўлиб ўтади. Унда 25 та давлатдан 400 нафардан ортиқ иштирокчи қатнашиши режалаштирилган. Бунда ёшлар 250 нафарни, ўсмирлар 200 нафарни ташкил этади.
Ўзбекистон оғир атлетика терма жамоаси 40 нафардан ортиқ спортчи билан қатнашишини маълум қилган.
Шунингдек, Осиё чемпионатини ўтказиш ташкилий қўмитаси мусобақа логотипини ҳам тақдим этди.
