Асли ҳиндистонлик бўлган 42 ёшли Риши Сунак Буюк Британиянинг 57-бош вазири бўлди
BBC News хабар беришича, 25 октябр куни кундузи Сунак қирол Чарлз III билан учрашди, қирол ундан ҳукуматнинг янги таркибини шакллантиришни сўради.
Собиқ молия вазири, 42 ёшли Риши Сунак — йил давомида Британия ҳукумати раҳбарлигидаги учинчи бош вазир бўлмоқда, у сўнгги икки асрда Буюк Британия тарихидаги энг ёш ҳукумат раҳбаридир.
2022 йил июлида давомли можаролар ортидан уч йил давомида Британия бош вазири бўлиб келган Борис Жонсон истеъфога чиққанди. Сентябр ойида Консерватив партиядаги сайлов натижаларига кўра собиқ ташқи ишлар вазири Лиз Трасс Буюк Британия ҳукуматининг янги раҳбарига айланди. Трасс бош вазирлигида эълон қилган иқтисодий ислоҳотлар муваффақиятсизликка учради ва у ҳокимиятга келганидан 45 кун ўтиб истеъфога чиқишга мажбур бўлди.
Консерватив партиянинг 24 октябр кунига белгиланган навбатдаги сайловларини ўтказишга ҳожат қолмади, чунки Риши Сунак бош вазирлик учун ягона номзод бўлиб қолди. Ундан олдинроқ Жамоатлар палатаси раиси Пенни Мордонт Сунакнинг фойдасига ўз номзодини қайтариб олганди.
Риши Сунак 2015 йилда илк бор Буюк Британия парламентига (Жамоатлар палатаси) депутат бўлган. Уч йил ўтиб у Тереза Мэй ҳукуматида вазир ёрдамчиси лавозимини эгаллаган. 2019 йил июлида уни Борис Жонсон ҳукуматида ғазначилик бош котиби этиб тайинлашади. 2020 йил февралидан эса Сунак Британия молия вазирлигини бошқаришга киришади.
Айтганча, Риши машҳур ҳинд тадбиркори миллиардер, Infosys компанияси асосчиси Нараяны Муртининг қизи Акшатега ўуланган ва улар икки нафар қизни тарбиялашмоқда. Шундан бўлса керак, Риши Сунак Буюк Бртинаянинг энг бой кишиларидан (730 млн. фунт стерлинг) бири сифатида эътироф этилади.
Изоҳ / Жавоб
Сизга ҳам ёқиши мумкин
Оммабоп хабарлар
-
Хизмат кўрсатган артист Р...
- Хабар муаллифи Bahrom
- January 18, 2021
-
Коронавирусдан даволанаёт...
- Хабар муаллифи Bahrom
- January 18, 2021
-
2020 йилда айрим мансабдо...
- Хабар муаллифи Bahrom
- January 18, 2021
-
Элдор Шомуродовга дўстона...
- Хабар муаллифи Bahrom
- January 18, 2021
Архив
Тавсия этилган
-
Шомуродов бутун мавсум да...
- Хабар муаллифи Bahrom
- June 4, 2021
-
Абитуриентларга тўловлари...
- Хабар муаллифи Bahrom
- May 26, 2021
-
Ёш олима Зебуниссо Аҳмедо...
- Хабар муаллифи Bahrom
- May 28, 2021
Ахборот бюллетени
Янги янгиланишларни олиш учун бизнинг почта рўйхатимизга обуна бўлинг!