Украиналиклар етакчи, Шомуродов ҳам бор...
СОБИҚ ИТТИФОҚ МАМЛАКАТЛАРИНИНГ ЭНГ ҚИММАТБАҲО ЛЕГИОНЕРЛАРИ. Transfermarkt портали собиқ иттифоқ мамлакатларининг хорижда тўп сураётган энг қимматбаҳо футболчилари рейтингини янгилади. Унда украиналик футболчилар олдинда, биздан эса Элдор Шомуродов кучли 10таликда.
Янги рейтингни Украина терма жамоаси ва «Аталанта» клуби вакили Руслан Малиновский бошқариб турибди. Унинг трансфер қиймати 28 миллион еврога тенг. 2-ўринда эса яқинда «Манчестер Сити»дан «Арсенал»га ўтган Александр Зинченко қайд этилди - Украина футболининг яна бир вакили. Зинченконинг трансфер баҳоси - 25 миллион евро. 3-ўриндан россиялик Александр Головин жой олди. «Монако» ярим ҳимоячисининг ҳуқуқи ҳам 25 миллион еврога баҳоланмоқда.
Ўзбекистон терма жамоаси ва ҳозирча «Рома» клуби ҳужумчиси Элдор Шомуродов эса 9-поғонада. Ҳамюртимизнинг трансфери баҳоси - 8 миллион евро.
Собиқ иитифоқ мамлакатларининг энг қимматбаҳо легионерлари
- Руслан Малиновский («Аталанта», Украина) - 28 миллион евро
- Александр Зинченко («Арсенал», Украина) - 25 миллион евро
- Александр Головин («Монако», Россия) - 25 миллион евро
- Виталий Миколенко («Эвертон», Украина) - 18 миллион евро
- Хвича Кварацхелия («Наполи», Грузия) - 15 миллион евро
- Роман Яремчук («Бенфика», Украина) - 15 миллион евро
- Георгий Мамардашвили («Валенсия», Грузия) - 10 миллион евро
- Алексей Миранчук («Аталанта», Россия) - 10 миллион евро
- Элдор Шомуродов («Рома», Ўзбекистон) - 8 миллион евро
- Генрих Мхитарян («Интер», Арманистон) - 8 миллион евро
