Рейтинг: «Хет-трик» бўйича пойга
ХXI асрнинг ортда қолган йиллари энг кўп «хет-трик» қайд этган футболчилар рейтингида ҳам Криштиану Роналду ва Лионель Месси ўртасида катта жанг кетмоқда. Германиянинг transfermarkt портали бундай рейтинг шакллантиришда барча расмий мусобақаларда расмийлаштирилган «хет-трик»ларни ҳисобга олди.
*** «МЮ» - «Реал» - «Ювентус» - «МЮ» йўналиши бўйича ҳаракатланган Португалия миллий жамоаси етакччиси Криштиану Роналду ҳисобида нақ 50та «хет-трик» бор. У бу маррани 902та расмий ўйинда забт этди. «Барселона» ва «ПСЖ» клублари ҳамда Аргентина миллий жамоаси сафидагина ҳаракатланган Лионель Мессида ўйинлар миқдори нақ 90та кам, лекин «хет-трик»лар сони ўртасидаги фарқ 2та, холос.
*** «Хет-трик»лар рейтингининг 3-поғонаси «Барселона»нинг янги ҳужумчиси Роберт Левандовскига тегишли. Лекин Польша миллий жамоаси голеадорининг янада юқорига кўтарилиши даргумон. Зеро, у 2-ўриндаги Леодан икки баравар ортда қолмоқда - 24та «хет-трик». Шунингдек, Леваголнинг 3-қатордаги позицияси анча мустаҳкам. Ҳар ҳолда, «Бавария»да беармон гол урган поляк энг яқин таъқибчиси - Луис Суаресни 6та «хет-трик» даражасида ортда қолдирмоқда.
XXI асрда энг кўп «хет-трик» қайд этган
футболчилар (барча мусобақаларда)
- Криштиану Роналду (Португалия) - 902та ўйинда 50та
- Лионель Месси (Аргентина) - 812та ўйинда 48та
- Роберт Левандовски (Польша) - 562та ўйинда 24та
- Луис Суарес (Уругвай) - 499та ўйинда 18та
- Марио Гомес (Германия) - 479та ўйинда 17та
- Серхио Агуэро (Аргентина) - 629та ўйинда 17та
- Эдинсон Кавани (Уругвай) - 615та ўйинда 14та
- Гарри Кейн (Англия) - 391та ўйинда 13та
- Златан Ибрагимович (Швеция) - 647та ўйинда 13та
- Пьер-Эмерик Обамеянг (Габон) - 543та ўйинда 12та
