Дон Карло янги ғалаба сари
«Реал» устози Карло Анчелотти ЧЛ тарихида 5-марта финал ўйини чиптасини нақд қилган биринчи мураббийга айланди. Италиялик мутахассис финаллар сони бўйича Юрген Клопп, Алекс Фергюсон ва Марчелло Липпидан олдинда!
*** Карло Анчелотти олдинги 4та финалдан 3тасини ўз фойдасига ҳал қилган. Яъни «Милан»ни 2 марта, «Реал»ни эса бир бора ғалаба сари етаклаган. Дон Карло ЧЛ финалидаги ягона мағлубиятга «Милан» бошқарувида йўлиққан.
*** Марчелло Липпи кучли тўртликда 3та финални бой берган ягона мураббий. Тўғри, у «Ювентус»ни қаторасига 3 мавсум ҳал қилувчи ўйинга олиб чиққани, қолаверса, 1та клубни 4 марта финалга бошлагани билан мақтанишга ҳақли.
*** Юрген Клопп бу сафарги муваффақияти ўлароқ, топ-4га кирди. Германиялик мутахассиснинг 2 йиллик танаффусдан кейин финалга қайтганини ҳам айтиш жоиз.
*** Буюк Алекс Фергюсон - тарихда ЧЛнинг 4 карра финалчисига айланган иккинчи мураббий (Марчелло Липпидан кейин). У яна турнирда нақ 9 йиллик танаффус билан зафар қучган мутахассисдир.
Р.ИБРОҲИМОВ тайёрлади
