2022 йилнинг энг чиройли автомобили аниқланди (фото)
37-Халқаро автомобиллар фестивали ҳакамлар ҳайъати 2022 йилнинг «энг чиройли автомобили»ни танлашди. Ҳакамлар ҳайъати жаҳон миқёсидаги профессионал дизайнерлар ва юлдузлардан ташкил топган. Бу ҳақда «Автоцентр» хабар берди.
Энг чиройли машина — DS Automobiles (PSA Peugeot Citroën таркибига киради) ишлаб чиқараётган DS 4 модели.
DS 4 моделининг янгиланган талқини DS Automobiles компанияси дизайн борасида янги босқичга қадам қўйганини англатади — хэтчбекнинг ташқи кўриниши такомиллашган, замонавий ва жуда технологик.
Халқаро автомобиллар фестивали «энг чиройли автомобил» совринини 2006 йилдан бери топшириб келади. DS Automobiles етти марта фестивалнинг турли мукофотларини қўлга киритган.
