"Штангачиларимиз" (умумжамоа сифатида) Осиё чемпионатида 5-ўринни эгаллашди
Баҳрайнда оғир атлетка бўйича Осиё чемпионати якунланди. Ўзбекистон спортчилари 2 та олтин ва 4 та бронза медали билан умумжамоа ҳисобида бешинчи ўринни эгаллади.
6-16 октябрь кунлари Баҳрайн пойтахти Манама шаҳрида оғир атлетка бўйича Осиё чемпионати ўтказилди. Ўзбекистон миллий жамоаси спортчилари «катта медаллар» тоифасида 2 та олтин ва 4 та бронза медали билан умумжамоа ҳисобида бешинчи ўринни эгаллади.
Аёллар орасида Нигора Абдуллаева (-55 кг) ва Турсуной Жабборова (-87 кг) ҳам бронза медалига эга бўлишди.
Умумжамоа ҳисобида Хитой миллий жамоаси биринчи (6 та олтин ва 2та кумуш), Қозоғистон миллий жамоаси иккинчи (3 та олтин, 2та кумуш, 3 та бронза), Вьетнам миллий жамоаси учинчи (3 та олтин ва 2та кумуш) ўринни эгаллади.
Ўзбекистон оғир атлетикачилари 2020 йилда Тошкентда ўтказилган Осиё чемпионатида 1 та олтин, 2 та кумуш ва 3 та бронза медали билан бешинчи ўринни қўлга киритишган эди.
