Яна икки боксчимиз Олимпиадани медалсиз якунлашди
Олимпия ўйинларида бокс спорт турида ўзбекистонлик яна икки боксчи чоракфинал баҳсида рингга чиқди.
-52 кг вазн тоифасида Шаҳобиддин Зоиров филиппинлик Карло Пааламга қарши рингга кўтарилди. Беллашув 2-раундда боксчиларнинг жароҳати туфайли тўхтатилди ва рақибга очколар бўйича 0:4 ҳисобидаги ғалаба берилди.
-63 кг вазнда Элнур Абдураимов эса арманистонлик Овганнес Бачковга 0:5 ҳисобида мағлубиятга учради.
Шу тариқа, Рио-2016да 7та медалга эга чиққан Ўзбекистон бокс миллий жамоаси (эркаклар) бу сафарги мусобақани битта медаль билан якунлайдиган бўлди.
Эслатиб ўтамиз, +91кг вазнда Баҳодир Жалолов медални нақд қилган. Сурхондарёлик боксчи 4 август кунги яримфиналда британиялик Фрейзер Кларкка қарши рингга кўтарилади.
Манба: kun.uz
