Усик реванш жангида Жошуа устидан ғалаба қозонди ва...
Саудия Арабистонининг Жидда шаҳрида Тошкент вақти билан 20 август, шанба тунида катта бокс оқшоми бўлиб ўтди.
Мусобақанинг асосий жангида супер оғир вазн тоифасида WBA, WBO, IBF ва IBO камарлари соҳиби Олександр Усик (19-0, 13 КО) ва Энтони Жошуа (24-2, 22 КО) ўзаро тўқнаш келди.
Жангнинг катта қисми украиналик боксчи устунлигида кечди. Якунда икки ҳакам Усикнинг ғалабасини қайд этган бўлса, яна бири Жошуанинг фойдасига қарор чиқарган.
Эслатиб ўтамиз, бу улар ўртасидаги реванш жанги ҳисобланади. Боксчилар ўртасидаги дастлабки жанг 2021 йилнинг сентябрь ойида «Тоттенҳэм Ҳоцпур» стадионида бўлиб ўтганди. Унда Усик ҳакамлар қарорига кўра (117-112, 116-112, 115-113) Жошуа устидан ғалаба қозонган эди.
