Шаҳрам Ғиёсов ярим ўрта вазндаги илк жангидаёқ камар қўлга киритди
Профессионал бокснинг супер енгил вазн тоифасида ҳаракат қилаётган Шаҳрам Ғиёсов (13-0, 9 КО) 7 майдан 8 майга ўтар кечаси Лас-Вегасда (АҚШ) ўзининг навбатдаги жангини ўтказди.
Ўзбекистонлик боксчига бу жангда мексикалик Кристиан Гомес (22-2-1, 20 КО) рақиблик қилди. 10 раундга мўлжалланган жанг тўлиқ давом этди. Қайд этиш жоиз, Шаҳрам тўртинчи, еттинчи ва ўнинчи раундларда рақибини нокдаун ҳолатига тушириб қўйди, жангда ҳам устунликка эга бўлди. Ғиёсов якунда очколар эвазига (99-88, 99-88, 98-89) ғалаба қозонди.
Ушбу ғалаба орқали Шаҳрам IBF Шимолий Америка камарини қўлга киритди.
Қайд этиш керак, бу Шаҳрам Ғиёсов учун профессионал фаолиятидаги 13-ғалаба бўлди. Ғалабаларнинг тўққизтаси нокаут билан қўлга киритилган.
