«Заковат» Марказий Осиё кубоги ярим финалчилари аниқланди
Айни пайтда Тошкент шаҳрида ўтказилаётган «Заковат» Марказий Осиё кубоги тарихида илк бор ўтказилган «Эрудитлар квинтети» саралаш баҳслари якунланди.
Ўйинлар натижаларига кўра 8 нафар ярим финалчи аниқланди:
- 8-ўрин – «Ҳалқа йўли» жамоаси (Ўзбекистон);
- 7-ўрин – «ЭРУДIT» (Қозоғистон);
- 6-ўрин – «Гномлар-каннибаллар» (Қозоғистон);
- 5–ўрин – «Пахтакор» (Ўзбекистон);
- 4-ўрин – «Brain Ар» (Қозоғистон);
- 3-ўрин – «Биз» (Ўзбекистон);
- 2-ўрин – «Сир» (Ўзбекистон).
Маълумот учун, бугун Тошкентда «Заковат» ўйинининг спортча версияси бўйича тарихда илк бор Марказий Осиё кубоги баҳслари бошланди. Мусобақада Ўзбекистон, Қозоғистон, Қирғизистон, Тожикистон ва Туркманистондан 48 та жамоа иштирок этмоқда. Мукофот жамғармаси — 200 миллион сўм. Биринчи ўрин учун 100 миллион, иккинчи ўрин учун 60 миллион ва учинчи ўрин учун 40 миллион сўм берилади.
Бош соврин — қимматбаҳо кубок биринчи ва иккинчи ўринларни эгаллаган жамоалар ўртасидаги алоҳида курашда ўйналади.
