Муҳим: Абитуриентларни онлайн рўйхатга олиш муддатлари ўзгарди
Вазирлар Маҳкамасининг 2022 йил 13 июлдаги 1-сон баёнига мувофиқ, 2022-2023-ўқув йили қабулида абитуриентларни онлайн рўйхатга олиш муддатлари узайтирилди.
Бу ҳақда Давлат тест маркази хабар берди. Унга кўра, 2022-2023-ўқув йили қабулида абитуриентларни онлайн рўйхатга олиш 2022 йил 27 июлга қадар (27 июль куни ҳам) давом этади.
Чет тилидан касбий (ижодий) имтиҳон ўтказиладиган бакалавриат таълим йўналишларига рўйхатга олиш эса 17 июлга қадар (17 июль куни ҳам) амалга оширилади.
Мазкур муддат давомида абитуриентлар ўз маълумотларини ўзгартиришлари ҳамда чет тилидан миллий ёки халқаро сертификатга эга бўладиган бўлса, сертификат маълумотларини тизимга киритишлари мумкин.
Эслатиб ўтамиз, абитуриентларни онлайн рўйхатга олиш 20 июндан бошланганди.
