«Бунёдкор»да тартибни сақлаш учун ҳеч қандай махсус воситалардан фойдаланилмаган!!!
Ижтимоий тармоқларда Тошкент шаҳрида жойлашган «Бунёдкор» стадиони кассалари олдида ИИБ ва Миллий гвардия ходимлари U-23 Осиё Кубоги—2022 мусобақасининг финал ўйинига чипта сотиб олиш учун келган фуқароларга қарши кўзни ёшлантирадиган газ воситалардан фойдалангани ҳақида хабарлар тарқалди. Миллий гвардия ҳолатга муносабат билдирди.
- Қайд этилишича, чипта сотиб олиш мобайнида тирбандлик юзага келган. Ҳудудда хизмат олиб бораётган ходимлар жамоат тартибини сақлашни талаб қилган ва айрим фуқаролар тартибга чақирилган. «Лекин ҳеч қандай куч ишлатиш ёки махсус воситалардан фойдаланиш ҳолатлари бўлмаган. Фуқаролар билан тушунтириш ишлари олиб борилиб, тез орада улар тарқатилган», — дейилади хабарда.
