Лавров НАТО кенгайишини фашистлар Германияси сиёсати билан тенглаштирди
Россия учун НАТО иттифоқининг шарққа кенгайиши Адольф Гитлер бошчилигидаги Учинчи Рейхнинг асосини ташкил этган ташқи сиёсатга ўхшайди. Бу ҳақда Россия ташқи ишлар вазири Сергей Лавров хавфсизлик хизматлари вакилларининг XI халқаро учрашуви чоғида маълум қилди.
«Аслида, НАТОнинг бепарволик билан кенгайиши Гитлернинг «Drang nach Osten» сиёсати асосидаги интилишларни акс эттиради», – деган Сергей Лавров.
Шунингдек, Россия 2021 йил декабрида ўзаро кафолатлар бўйича ташаббусни илгари сурган ҳолда НАТО давлатлари билан хавфсизлик масалаларини очиқ ҳал қилишга уринганини қўшимча қилган.
