Доналд Трамп Путин, Си Цзинпин ва Ким Чен Инни энг ақлли одамлар деб атади
АҚШнинг собиқ президенти Доналд Трамп Россия президенти Владимир Путин, Хитой раҳбари Си Цзинпин ва Шимолий Корея етакчиси Ким Чен Инни энг ақлли одамлар деб атади. У бу фикрини Fox News телеканалига берган интервьюсида билдирган.
Собиқ президентнинг фикрича, у санаб ўтган давлат раҳбарлари сиёсат оламидаги энг зўр ўйинчилар. Трамп Америка президентлари бундай эмаслигини ва ҳеч қачон бўлмаганини таъкидлаган.
АҚШнинг собиқ раҳбари Хитой етакчиси Си Цзинпин ажойиб инсон эканлигини, Голливуд Хитой раҳбари ролини ўйнаш учун узоқ вақтдан бери актёр излаётганини, бироқ унга ўхшаш одам йўқлигини айтиб ўтган.
Шунингдек, Трамп Шимолий Корея президенти Ким Чен Инни ғайриоддий ақл соҳиби эканлигини ва мамлакати устидан тўлиқ назорат ўрнатганини таъкидлаган.
«Путинга келсак, у ҳам жуда ақлли», – дея хулоса қилган Доланд Трамп.
