Ўзбекистонда ва бошқа давлатларда ўртача ойликка қанча бензин сотиб олиш мумкин?
Бутун дунёда бензин нархи рекорд даражада ошиб бормоқда. «Дарё» мамлакатларда ўртача ойликка қанча бензин сотиб олиш мумкинлигини аниқлади.
Ҳисоб-китоблар давлатларнинг статистика идоралари томонидан қайд этилган маошларга кўра амалга оширилди. Қулайлик учун суммалар АҚШ долларида кўрсатилган.
Ўзбекистонда ўртача ойлик иш ҳақи 275 доллар, 1 литр бензиннинг нархи эса 0,95 доллар. Ушбу ойликка 290 литр бензин сотиб олиш мумкин.
Қирғизистонда ўртача ойлик иш ҳақи 221 доллар бўлиб, 1 литр бензин нархи 0,83 доллар. Мамлакат аҳолиси ўртача ойлик иш ҳақига 267 литр бензин харид қилиши мумкин.
Қозоғистонда ўртача ойлик иш ҳақи 520 доллар, 1 литр бензин эса 0,47 доллар. Аҳоли ушбу ойликка 1 102 литр бензин сотиб ола олади.
Туркияда ўртача ойлик иш ҳақи 320 доллар, 1 литр бензин 1,61 доллар. Ушбу маошга аҳоли 199 литр бензин олиши мумкин.
Россияда ўртача ойлик иш ҳақи 903 доллар, 1 литр бензин нархи 0,89 доллар. Бу нархга 1 011 литр бензин сотиб олиш мумкин.
АҚШда ўртача ойлик иш ҳақи 4 018 доллар, 1 литр бензиннинг нархи 1,36 доллар. Мамлакат аҳолиси ўртача ойлик иш ҳақига 2 952 литр бензин харид қилиши мумкин.
2022 йил июнь ойида энг арзон бензин Жазоир (0,31 доллар), Қувайт (0,34 доллар) ва Эронда (0,35 доллар) қайд этилган. Гонконг эса энг юқори нарх — 1 литр бензин учун 3 доллар.
Бензин нархининг ўртача иш ҳақига нисбати бўйича жаҳон рейтингида Форс кўрфази мамлакатлари етакчи ўринларни эгаллашда давом этмоқда: Қатар (5 968 литр), Қувайт (5 578 литр) ва Саудия Арабистони (4 372 литр).
Рейтингда охирги ўринни Куба эгаллаб турибди, у ерда ўртача иш ҳақига атиги 27 литр бензин олиш мумкин.
Аввалроқ метан газ нархлари кўтарилганича йўқ, бироқ сезиларли тафовутлар борлиги ҳақида хабар берилганди.
