Ўзбекистонда 45 минг нафар одам ОИТС (СПИД) билан яшаб келмоқда...
Ўзбекистонда ОИТС билан касалланган сони ва бу касаллик ҳақидаги баъзи маълумотлар очиқланди. Қайд этилишича, Бугунги кунда республикада 45 минг нафар одамлар ОИТС (СПИД) билан яшаб келмоқда. Уларнинг 55 фоизи эркаклар, 45 фоизи аёллар, 14 фоизини эса 18 ёшга тўлмаган болалар ташкил этади.
Республика ОИТСга қарши кураш маркази директори ўринбосари Гулифор Нормуродова 10 йиллик маълумотларга кўра, ушбу касалликка чалинган болалар йилдан йилга камайиб бораётганини айтган эди.
«2020 йил давомида 150 нафарга яқин болада ОИТС касаллиги аниқланди. Йил бўйича деганда буни умумий тушуниш керак, чунки бу касаллик бугун юқиб, эртага аниқланмайди, балки 10-20 йил аввал юққан бўлиши мумкин. Лекин аниқланган вақти 2020 йилга тўғри келади», – Гулифор Нормуродова.
Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбоновнинг таъкидлашича, 2020 йилда қайд этилган касалликни қарийб 10 фоизини болалар ўртасида касаллик ташкил этган.
