Эндиликда профессионал таълим ўқувчиларига ҳам стипендия берилиши мумкин
Профессионал таълим муассасаларида дуал таълим шаклини жорий қилиш имконияти кенгайтирилади ва таълим жараёнлари босқичма-босқич рақамлаштирилади.
Дуал таълим шаклини жорий қилган энг яхши 100 та профессионал таълим муассасасига ҳар йили 50 млн. сўмдан маблағ ажратилади.
Профессионал таълим муассасаси ўқув-амалиёти жараёнида ишлаб чиқарилган маҳсулотларни (товар, иш, хизматларни) сотиши мумкин.
Профессионал таълим муассасалари раҳбар ва педагог ходимлари меҳнатига ҳақ тўлашнинг янги табақалаштирилган тартиби жорий этилади.
Норматив-ҳуқуқий ҳужжатлар лойиҳалари муҳокамаси порталига қўйилган Президент қарори лойиҳасида шу каби кўплаб имтиёзлар кўзда тутилган.
