Ўзбекистон ОТМларидаги хорижлик талабалар сони 1 йилда қарийб минг нафарга ошди
Ўзбекистон олий таълим муассасаларида 2021/22-ўқув йили бошига таҳсил олаётган хорижлик талабалар сони 5,1 минг нафарни ташкил этган. Бу ҳақда Давлат статистика қўмитаси хабар қилди.
Қайд этилишича, йиллар кесимида республикадаги олий таълим муассасаларида таҳсил олаётган хорижлик талабалар сони қуйидагича:
- 2016/2017-ўқув йили – 603 нафар;
- 2017/2018-ўқув йили – 1320 нафар;
- 2018/2019-ўқув йили – 2685 нафар;
- 2019/2020-ўқув йили – 3593 нафар;
- 2020/2021-ўқув йили – 4219 нафар;
- 2021/2022-ўқув йили – 5140 нафар.
Эслатиб ўтамиз, 2020 йилнинг 1 январь ҳолатига, Ўзбекистондан 53 минг нафар талаба хорижда таҳсил олмоқда.
