Эрта қаришга олиб келувчи касалликлар маълум қилинди
Россиялик профессор, тиббиёт фанлари доктори Aндрей Илницкий эрта қаришга олиб келадиган энг кенг тарқалган касалликлар ва ҳолатларни маълум қилди.
«Эрта қаришга олиб келадиган энг кенг тарқалган касалликларга юқори қон босими, семизлик, қандли диабет ва холестерин алмашинуви бузилиши киради. Aгар шулардан бирортаси бўлса, эрта қариш синдроми эҳтимоли бор дейишимиз мумкин», — деди Ильницкий.
Агар бундай ҳолат тузатилса, синдромни бартараф этиш мумкин. Мисол учун, одам қон босимини пасайтириш учун дори-дармонларни қабул қилса, эрта қариш каби нохуш ҳолатнинг олдини олган бўлади.
«Тиббиёт замонавий технологияларни ифодалайди. Aгар бундай ҳолатлар даволанса, эрта қариш йўқолади», — дея қўшимча қилди у.
Манба: xabar.uz
