UzAuto Motors фойдаси қарийб икки баробар камайди, қолганларчи...?
UzAuto Motors автоконцерни 2023 йилнинг биринчи чорагида 258,7 млрд сўм соф фойда олди. Бу ҳақда “Дарё”га компания молиявий ҳисоботидан маълум бўлди.
Автомобиль ишлаб чиқарувчи компаниянинг соф фойдаси 2022 йилнинг мос даврига нисбатан 43,8 фоизга камайди. Даромад эса бу даврда 8,7 трлн сўмдан 8,8 трлн сўмгача ошди.
Шунга қарамай, UzAuto Motors харажатлари дастлабки чоракда ўтган йилнинг мос даврига нисбатан 7,4 трлн сўмдан 7,6 трлн сўмгача кўпайди.
Компания биринчи чорак бўйича 2022 йилда 115 млрд сўм фойда солиғини тўлаган эди. 2023 йилда бу кўрсаткич икки баробардан ҳам кўпроқ камайди ва 54,2 млрд сўмни ташкил қилди.
UzAuto Motors’га биринчи чоракда 141,3 трлн сўмлик солиқ имтиёзлари берилган. Бу ишлаб чиқарувчи компаниялар орасида Ўзбекистон бўйича энг кўпи ҳисобланади.
Аввалроқ йил бошида компания IPO ўтказгани ҳақида хабар берилган эди.
