Ўзбекистон январь ойида 55 млн долларлик мева ва сабзавот экспорт қилди
Ўзбекистон 2022 йилнинг январь ойида қиймати 55,1 миллион долларига тенг 78,6 минг тонна мева ва сабзавот экспорт қилди. Бу ҳақда Давлат статистика қўмитаси хабар қилди. Қайд этилишича, бу кўрсаткич ўтган йилнинг мос даври билан солиштирилганда 14,8 минг тоннага ошган.
Январь ойида экспорт қилинган мева ва сабзавотлар ҳажми қуйидагича:
- мева ва резаворлар – 10,1 минг тонна;
- қуритилган мева ва резаворлар – 3,7 минг тонна;
- сабзавотлар – 45,4 минг тонна;
- қалампир – 1,7 минг тонна;
- помидор – 5,7 минг тонна;
- узум – 6,6 минг тонна;
- майиз – 7,1 минг тонна;
- ерёнғоқ – 1,8 минг тонна;
- тарвуз-қовун – 277,6 тонна.
